Wong Cilacap Ora Olih Mudik, Bupatine: Angger Ora Penting Nemen Ora Susah Balik!



PEMERINTAH wis mberlakukna larangan mudik mulai tanggal 6-17 Mei 2021. Gara-gara anane larangan kuwe, Pemerintah Kabupaten Cilacap ngluruih masyarakat emen ora mudik.

Bupati Cilacap Tatto Suwarto Pamuji ngluruih maring masarakat Cilacap sing lagi ngranto emen ora mudik badahan taun 2021 kiye. Imbauan kuwe diwekena nggo upaya pencegahan lan pengendalian Covid-19 nang Cilacap, uga nggo ngurangi pergerakane masarakat nang momen mudik badahan.

"Pemerntah Kabupaten Cilacap ngluruih maring masarakat nang luar Cilacap, soale esih pandemi Covid 19, nyong njaluk angger ora penting nemen ora susah balik (mudik)," ujare Bupati Tatto, lubar acara pelepasan purna tugas pejabat nang ruang Gadri, Slasa (30/03).

Bupati ngomong pihake sakiye esih nyoba ngendalikna lan nyegah nyebare Covid-19, juga ngoptimalna program vaksinasi. Jarene, kondisi Covid nang Cilacap sakiye wis mulai mipil apik, mugane dheweke njaluk emen nyegah penularan sing jaba karo aja giri mudik maring Cilacap.

"Nggo Pegawe Negri, TNI karo Polri pancen ora olih mudik. Dhewek perlu dukungan kanca-kanca sing nang luar Cilacap diluruih emen aja mudik dingin, kecuali pancen urgent, urgent, urgent" jare Bupati Tatto.

Sementara kuwe, nggo rencana pengawasane, Bupati bareng Forkopimda pan nggawe pos pemantauan nang wates mlebu Cilacap, lan pan nglakokna patroli karo petugas gabungan nggo penyekatan wong sing pada mudik.

Saliyane kuwe, nggo antisipasi tekane pemudik, pihake juga pan maksimalna pengawasan ngantikan tingkat RT karo nglibatna Satgas Covid-19 nang Desa karo Kecamatan. Lah, angger nggo tempat sing nggo karantina wong mudik, mengko pan dibahas. (Seranyunews)

Belum ada Komentar untuk "Wong Cilacap Ora Olih Mudik, Bupatine: Angger Ora Penting Nemen Ora Susah Balik!"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel